“Xəzər Lənkəran”ın müdafiəçisi Adrian Skarlatake Azərbaycan Kubokun 1/4 final mərhələsi çərçivəsində “Rəvan” üzərində qazandıqları səfər qələbəsindən (2:1) danışıb. Azerisport.az saytına müsahibəsində o, bunları dilə gətirib:
“Təəssüf ki, oyunun əvvəli bizim üçün uğursuz alındı. Bütövlükdə, birinci hissəni pis oynadıq. Amma fasilədən sonra komanda toparlana və ilk yarıya nisbətən tam fərqli futbol sərgiləyə bildi. Qələbəyə rəğmən, yenə də bütövlükdə pis oynadığımızı bilirik. Yalnız ona şadam ki, vacib qələbə qazandıq”.
