“Xəzər Lənkəran”ın keçmiş baş məşqçisi Mirça Rednik bu gün 51-ci doğum günün qeyd edir.
“Xəzər Lənkəran” klubuna sonuncu dəfə Azərbaycan kubokunu
qazandıran və “ağ-yaşıl” rənglərə könül verən azarkeşlərin sevimlisi olan
Rumıniyalı mütəxəssis ölkəmizdə çalışdığı müddətdə futbol qurumlarının
müxtəlif təzyiqləri ilə üzləşirdi. Elə bəzi media nümayəndələri də gah diqqət mərkəzinə
düşmək naminə gah da futbol qurumları rəhbərlərinin və “Neftçi” rəhbərliyinin
xoşuna gəlmək xətrinə Redniki yerli yersiz tənqid edirdilər. Hakim qərəzinə
qarşı etiraz əlaməti olaraq papağını yerə çırpdığına görə 5000-manat cərimə
olunaraq 5-oyunluq da cəzalandırılan Mirça Rednikə qarşı komandanın daxilində də
xüsusi qüvvələr yetişdirməyə nail olan AFFA və PFL nəhayət 2011-ci ilin dekabr
ayının 4-də istəyinə çatdı. O, azarkeşlərin istefa tələbi olmadan “Xəzər Lənkəran”la
yollarını ayırdı və onun gedişindən sonra komanda özünə gələ bilmədi. Bəli,
onun gedişindən sonra “Fırtınalar meydanı”nda tribunalar da azarkeşlərə həsrətlə
baxdı… Həmin ərəfədə “Xəzər Lənkəran”ın bir fan klubu qatı şəkildə Rednikə
qarşı təbliğat aparmaqla öz yaranışının qayəsində olan iyrəncliyi göstərirdisə,
digəri loyal münasibətlə yadda qalır, o birisi ümumiyyətlə ikili oyun
oynayırdı. Müətərəqqi düşüncəli azarkeşlərimizlə birgə “12-ci oyunçu” azarkeş
qrupu və “Bosman” fan klubu haqqın tərəfində qalaraq sona qədər öz sözünü dedi.
Nəhayət zaman hər şeyi öz yerinə qoydu və sübut olundu ki, turnir cədvəlinin
ilk pilləsində qərarlaşan və ən yaxın izləyicisindən 7-xal öndə olan komandanın
baş məşqçisinə qarşı çıxmaq, elə komandanın uçuruma yuvarlanmsı üçün atılan
addım idi. Redniki “vurmaq” istəyənlər əslində bu yolla “Xəzər Lənkəran”ı bütün
mənalarda vurdular da yıxdılar da, ikinci altılığa göndərdilər də. Təəssüf ki,
gün kimi aydın olan bu sadə həqiqəti anlamaqdan ötəri bəzilərinə müəyyən müddət
lazım oldu. Halbuki bizlər vaxtında həm klub rəhbərliyini həm də azarkeşləri xəbərdar
edərək komandanın sonrakı müddətdə arzuolunmaz vəziyyətlərlə üzləşə biləcəyini
bildirirdik. Özü də hər dəfə də car çəkərək bunu edirdik. Məhz Rednikin
çalışdığı müddətdə və onun istefaya getməsindən sonra “Xəzər Lənkəran” klubunda
və ətrafında baş verənlər sübut etdi ki, “Xəzər Lənkəran”ı qəlbən sevməklə həm
də camiənin daim xeyri naminə çalışanlar yalnız bizlərik. Daha özünü “Xəzər Lənkəran”ın
fan klubu kimi elan edib şəxsi ambisiyalarını ortaya qoyanlar və
araqarışdırmaqla özlərini reklam etmək istəyənlər, AFFA və PFL-lə gizli görüşlər
keçirib bu görüşlərdən müxtəlif formalarda bəhrələnənlər, “Xəzər Lənkəran”ın şərəfsiz
yollarla titullar qazandığını iddia edən dəymədüşər jurnalistlərin əlində
oyuncaq olanlar yox. Mirça Rednikin istefasından müəyyən müddət keçdikdən
sonra ortaya çıxaraq sosial şəbəkələrdə onun fotolarını yayıb müxtəlif fikirlərlə
diqqət çəkmək istəyən bəzi fan klublar və onlara yaxın olanlar lazımi məqamda
bizim haqq səsimizə səs verməmişdilər. O vaxt susanlar indi özlərini elə göstərməyə
çalışırlar ki, güya bunlar Rednikin gedişinə mane olmağa çalışanlar idi. Yox əsla
belə deyil. Klub rəhbərliynin qətiyyətsizlik nümayiş etdriərək baş məşqçinin
müdafiəsinə qalxa bilməməsi üzündən Mirça Rednikin gedişi ərəfəsində biz bütün
varlığımızla həyacan təbilini çalanda indi özlərini “yaxşı oğlan”lar kimi göstərməyə
çalışanlar meydanda yox idilər. Bunlar yalnız yağışdan sonra bitən göbələklər
kimi özlərinə sərf edən məaqmı gözləyirdilər. Lakin artıq maskalar cırılıb və
kimin kim olduğu aşkar görünür. Bunu görməyən gözlər isə kordur !
Vaxtında səsimizə səs verməyərək Rednikin gedişinin
qarşısını almaqda bizə dəstək olmayanlar indiki məqamda heç olmasa Con Toşaka
lazımi dəstəyi verməyin vacibliyini görəsən anlayırlarmı? Yoxsa növbəti bəlalrın
qarşısını almaq mümkün olayacaq. Axı Rednikin gedişindən sonra “Xəzər Lənkəran”
komandasının hesabından 6-xal silinmişdi. Düzdür sonradan silinən xallar geri
qaytarıldı. Amma onu da düşünmək lazımdır ki, məgər FİFA tez-tezmi belə səhvlər
edir? Nəyə görə belə bir hal məhz “Xəzər Lənkəran”ın başına gəlməli idi, özü də
Rednikin gedişindən sonra? Komandanın hazırda ikinci altılığa düşməsinin səbəblərini
anlamaq üçün məgər hansısa ali təhsiliəmi və ya peşəakar futbol biliyinəmi,
yaxud hansısa fövqəlbəşər görücülük qabiliyyətinəmi sahib olmaq gərəkdir? Məgər
baş verənlərdən sonra da başa düşülmədimi ki, “Xəzər Lənkəran”ın “Neftçi”yə 0:5
hesablı məğlubiyyəti bir qurama tamaşa idi? Anlamaq o qədər çətindirmi ki,
Rednikin gedişindən sonra “Xəzər Lənkəran”ın lehinə az qala hər 3-oyundan bir
penalti verilməsinin səbəbi elə AFFA və PFL-in komandamıza hədiyyəsi idi? Həmin
epizodların video görüntülərini təqdim etməyə ehtiyac varmı?
***
Mirça Rednik “Xəzər Lənkəran”dan ayrıldıqdan sonra məşqçilik
karyerasında geriləmədi, əksinə irəli getdi. Hazırda o, Azərbaycan Premyer
Liqasından qat qat səviyyəli Belçika çempionatında çıxış edən “Standard”
klubunun baş məşqçisidir. Onun vaxtı ilə “Xəzər Lənkəran”a gətimək istədiyi
səviyyəli futbolçular da “Standard”ın formasını geyinirlər.
Elə “Xəzər Lənkəran” klubu da hazırda növbəti yükəliş
dövrünü yaşamaq üzrədir. Beləki, komandamızın yeni baş məşqçisi dünya şöhrətli
Con Benjamin Toşakdır. Növbəti mövsümdə
10-illik yubileyini qeyd edəcək klubumuzun sahibi
Mübariz Mənsimov da Tşaka hər cürə dəstək olacağını və istədiyi futbolçuların
transferinin gerçəkləşəcəyini mətbuata açıqlamasında xüsusi qeyd etmişdir. Heç
olmasa bundan sonra komandanı uçuruma yuvarlamaq istəyənləri ifşa edək və birgə
çalışaraq “Xəzər Lənkəran”a əvvəlki möhtəşəmliyini qaytaraq. Məgər səhvlərdən nəticə
çıxarmağın vaxtı deyilmi?
Sonda Mirça Redniki doğum günü münasibəti ilə təbrik
edirik. Ona həyatda, həmçinin karyerasında uğurlar arzulayırıq.
12cioyuncu.info
12cioyuncu.info