Tuyqun Nadirov Astara Olimpiya Kompleksi rəhbərliyinə klubun atributunu hədiyyə edib
“Xəzər Lənkəran” klubu təkcə Lənkəranda deyil, ətraf
rayonlarda da istedadlı futbolçuların aşkarlanıb yetişdirilməsi üçün səylərini əsirgəmir. Sportal.az xəbər
verir ki, bu mənada hazırda cənub bölgəsinin bütün rayonlarından klubun aşağı
yaş qruplarında uşaqlar və yeniyetmələr futbolun sirlərinə yiyələnirlər. Bundan
əlavə, komanda Astara, Masallı, Cəlilabad rayonlarında əlavə olaraq qruplar
yaradaraq, yerlərdə mütəmadi məşqlərə cəlb olunan futbolçular üçün ayrıca məşqçilər
təyin etmişdir.
Son vaxtlarda Astara Olimpiya Kompleksi rəhbərliyinin bu
rayonda hazırlıq keçən qruplarına göstərdiyi diqqət və qayğı klub tərəfindən
razılıqla qarşılanıb. “Xəzər Lənkəran” - AZAL matçının fasiləsində klubun
vitse-prezidenti Tuyqun Nadirov Astara Olimpiya Kompleksinin direktoru Famil Səlimovla
görüşərək, ona qarşılıqlı əməkdaşlığa görə minnətdarlığını bildirib, Famil müəllimə
klubun atributları olan hədiyyəsini təqdim edib.
