“Xəzər Lənkəran”
- AZAL oyunu sonrası keçirilən
mətbuat konfransında
komandaların baş məşqçiləri matçla bağlı fikirlərini bildirdilər. Klubumuzun çalışdırıcısı
Con Toşak belə söylədi: “Açıq danışsaq bu gün bəxtimiz gətirdi.
Xüsusilə ilk hissədə rəqib
yaxşı təsir bağışladı və bizdən üstün oyun sərgilədi. AZAL çox xoşuma gəldi. Rəqib təşkilatlanmış
bir komanda idi və
kollektiv oyun göstərdi.
Bizim əksər futbolçular isə demək olar fərdi
oyuna üstünlük verirdilər.
Hər iki hissədə dirəkdən dönən toplarımız olsa da ümumilikdə komandamın oyunundan narazı
qaldım. Bu, bir daha göstərir
ki, görüləsi çox işimiz
var".
Öz növbəsində AZALın baş məşqçisi Vaqif Sadıqov Con
Toşakla yenidən görüşməyindən şad olduğunu bildirdi: “Onunla illər öncə yığmalarımızın oyununda üz-üzə gəlmişdik. Biz bilirdik ki, bu gün fərqli “Xəzər
Lənkəran” görəcəyik. Rəqib
üzərimizə çox gələcək. Ona görə də qabaqcadan tədbirimizi
görmüşdük. “Xəzər Lənkəran”ı
mərkəzdə qarşılayıb onlara rahat hücum qurmaq imkanı verməməklə
ani əks hücumlar qurmalı
idik. Mən ilk altılığa vəsiqə qazana bilmədikdən sonra da demişdim ki,
komandamla fəxr edirəm. Bu gündə o sözümü təkrarlamağı istəyirəm. Bu gün çox gözəl
mübarizə apardıq. Məncə bu oyun ilk altılığa layiq oyun idi. Amma neyləmək olar? Hesab bərabər olubsa demək oyunun ədalətli nəticəsi bu idi”.
lankaranfc.com
lankaranfc.com