"Bu gün çox zəif oynadıq. Komandanın bəzi futbolçuları
qudurblar. Çıxıb meydanda futbol oynamaq istəmirlər. Gəlib burda boş yerə pul
alırlar". Bu sözləri Sportal.az-a açıqlamasında "Xəzər Lənkəran"ın
idman direktoru Babək Quliyev "Rəvan"a məğlubiyyətdəən sonra deyib.
Klub rəsmisi həmin futbolçuların cəzalandırılacağını bildirib:
"Onlar heç kəsi savadsız saymasınlar. Meydanda çox aciz
görünürdülər. Onlara boş yerə pul verilmir. Çıxıb əzmkarlıq göstərib oynamaq
lazımdır. Bütün xəttlərdə futbolçular çox zəif görünürdü. Bununla bağlı mütləq
ölçü götürüləcək və həmin futbolçular mütləq cəzalandırılacaqlar".
Quliyev Elnur Abdullayevin qırmızı vərəqə alması haqqında da
fikirlərini bölüşüb: "Biz hər oyundan qabaq futbolçulara bildiririk ki,
boş yerə sarı və qırmızı vərəqə almayın. Elnur Abdullayev bu gün lazım olmayan
yerdən qırmızı vərəqə aldı. Bunun da qarşılğında o cəzasını alacaq. Ona pul cəzası
mütləq kəsiləcək. Futbolçu qırmızı vərəqə ilə cəzalandırla bilər. Əgər rəqib
hücumçu təkbətək çıxırsa, onun qarşısını alırsa, o komandasına kömək etmiş
olur. Amma Elnur lazımsız olaraq meydandan qovuldu və komandanı çox pis vəziyyətdə
qoydu. Ona görə də Abdullayev pul cəzası alacaq".
