- Toni Doblasın gəlişindən
sonra ehtiyata düşəcəyini təxmin edirdin?
- Mənim üçün fərqi yoxdur komandaya kim gəlsin, kim
oynasın. Əsas odur ki, “Xəzər Lənkəran” qələbə qazansın. Hər hansı qapıçı ilə
mübarizə aparmaq mənim üçün problem deyil. Hələ kimin heyətə əsas olacağını
indidən demək olmaz. Hələ qarşıda çox oyunlar var. Onlara daha da yaxşı
hazırlaşmaq lazımdır. Mənim işim hər oyuna ciddi hazırlaşıb, lazım olduğum
zaman meydana çıxıb komandama kömək etməkdir.
- İspaniya La-Liqasından
gəlmiş bir qolkiperlə mübrizə sənin üçün çətin olmayacaq?
- Yox, mən belə düşünmürəm. Heç də özümü kimdənsə zəif
hesab etmirəm. Hər bir qapıçı ilə mübarizə aparacaq gücdəyəm.
- Fasilədən sonra ilk
oyunda komanda zəif təsir bağışladı. Bunun səbəbi nə idi səncə?
- Yeni gələn futbolçular
adaptasiya problemi yaşayır. “İnter”lə matçdada məncə məğlub olmağımızın səbəbi
bu idi. Meydanda 5 yeni oyunçu var idi.
- Yeni transferlər səncə komandaya gələcəkdə kömək edə biləcəklər?
- Onlar bura gəliblərsə,
deməli komandaya kömək etməlidirlər. Düzdü, ilk oyundan onların səhvləri oldu.
Amma bu hamıda ola bilər. Yavaş-yavaş yeni gılənlər də komandaya tam
uyğunlaşacaqlar. Sadəcə bir az vaxt lazımdı.
- Çoxları Doblasın ilk oyunda buraxdığı səhvlərdən sonra “İnter”lə oyundan
Orxan Sadıqlının qapıda olmasını daha məqsədəuyğun sayırdı...
- Bu məşqçinin qərarıdır. Mən
nə desələr, onu da etməliyəm. Gələn oyunda mən qapıda ola bilərəm. Bu
normaldır.
- Qarşıdakı 3 oyundan nə gözləyirsən?
- Doğurdan bizim üçün çətin
olacaq. Amma hər üç oyunda qələbəyə ümid edirik. Minumum 7 xal toplamalıyıq.
Biz ilk “altılığ”da yer almalıyıq. Azarkeşlər də bizdən inciyiblər. Doğma
meydanda uduzmuşuq. Əlbəttə ki, onlar haqlıdır. Evdə uduzmaq olmaz. Özüdə belə
bi vəziyətdə. Yenə səfərdə məğlub olsaydıq, nəsə haqq qazandırmaq olardı.
Çalişacağiq ki, play-off-da oynayaq. Əlimizdən gələni edəcəyik. Amma ora
düşməsək də, artıq önümüzə baxmalıyıq.
- Həmişə çempionluq üçün oyanyan komandanın ilk “altılığ”a düşə biməməsi nə
deməkdir?
- Bu sadəcə faciə olar. Həm
komanda üçün, həm də bizi sevən hər kəs üçün. Amma bu futboldur. Heç bir şeyi
əvvəlcədən demək olmur.
Elsevər MƏMMƏDOV
