"Xəzər Lənkəran"dan növbəti məğlubiyyət.
Antaliyada təlim-məşq toplanışında olan “Xəzər Lənkəran” bu gün üçüncü yoxlama oyununu keçirib.
Komandamızın rəqibi Rumıniyanın “Timişoara” klubu olub. Bakı vaxtı ilə saat 19:00-da başlayan oyunda "Xəzər Lənkəran" 0:2 hesabı ilə məğlub olub.
Hazırda “Timişoara” Rumıniya çempionatının II liqasında mübarizə aparır. Komanda 12 oyundan 26 xal toplayıb və turnir cədvəlinin 2-ci pilləsində qərarlaşıb.
Qeyd edək ki, “Xəzər Lənkəran” ilk görüşündə Qazaxıstan “Jetusu”su ilə heç-heçə oynayıb (1:1), ikinci oyunda isə Ukrayna “Krivbass”ına uduzub (0:6).
Start heyət belə olub:
Sadıqlı, Allahverdiyev, Vanderson, Skarlatake, Əmirquliyev, Alviz, Abdullazadə, Abdullayev, Pit, Pamuk, Guleç.
