"Xəzər Lənkəran"ın yarımmüdafiəçisi Adrian Pitin Sportal.azsaytına müsahibəsi
- Kubokun finalına adladınız. Baxmayaraq ki, səfərdə məğlub
olmuşdunuz. Oyun haqqında nə deyərdin?
- Bəli, həmin oyun bizim üçün çox önəmli idi. Bakıdakı və Lənkərandakı
oyunu müqayisə etsək, onu deyə bilərəm ki, azarkeşlərimiz bizə çox kömək etdi.
Özünüz də gördünüz ki, stadiona nə qədər adam gəlmişdi. Bilirsiniz, bizim hər
zaman azarkeşlərimizə ehtiyacımız var. Onlar həqiqətətn də bizə əlavə güc
verir. Mən deyərdim ki, evdə oynamağımız və azarkeş amili bizi finala daşıdı.
- Finalda “Neftçi”yə rəqib olmağınız ürəyincə idi?
- Məncə, rəqibin kim olmağı elə də önəmli deyil. “Neftçi”,
yaxud “Qarabağ”, fərqi yoxdur. Vacib olan bizim oyuna yaxşı hazırlaşmağımız və
mübarizə apararaq kuboku Lənkərana gətirməyimizdir. Rəqibin kim olmasından
asılı olmayaraq, hamımız bu oyunda əlimizdən gələnin ən yaxşısını etmək istəyirik.
- Səncə, kuboku Lənkərana gətirə biləcəksiniz?
- Bəli, gətirəcəyik və buna nail olmaq üçün də var-gücümüzlə
mübarizə aparacağıq. Hesab edirəm ki, hər oyunda olduğu kimi, bu oyunda da
şanslar bərabərdir.
- Həmin oyundan sonra azarkeşlərin meydana daxil olması sənə
necə təsir etdi?
- Çox sevindirici hal idi. Onların necə xoşbəxt olduğunu,
necə sevindiyini üzlərindən anlamaq olurdu. Təbii, ki azarkeşlərimizə belə
sevinci yaşatdığımız üçün biz də xoşbəxt olduq və çalışacağıq ki, onları daha
çox sevindirək.
- Düşünürsən ki, yenidən azarkeşlərinizin ürəyini qazana
bilmisiz?
- Çempionatda işlərimiz heç də yaxşı getmədi. Uğursuz nəticələr
aldıq. Hazırda çox xoşbəxtik ki, finala çıxmaqla azarkeşlərimizi sevindirə
bildik.
- AZAL-la
oyunda məğlub oldunuz. Səncə, səbəb nə idi?
- Bununla bəğlı
sizə dəqiq səbəb deyə bilmərəm. Bəli, mən də razıyam ki, “Bakı”ya qalib gəlib
finala vəsiqə qazananda bundan daha yaxşı oynamışdıq. Bəzən alınmır. Həm rəqib
elə də zəif komanda deyildi.
- Elnur
Allahverdiyevin qırmızı vərəqə alması oyuna təsir etdi?
- Təbii ki,
təsir edir. Rəqib 11 nəfər, siz 10 nəfər oynayırsınız. İstər psixoloji, istərsə
də fiziki cəhətdən oyunumuza təsir edir. Hesab edirəm ki, bu ancaq bizim üçün
belə deyil. Bütün klublar oyunda azlıqda qalanda onlara təsir edir.
- Çoxları
deyir ki Toşak kubokun finalını düşündüyü üçün “altılıq”dakı oyunlara əhəmiyyətsiz
hesab edir.
- Mən bununla razılaşmıram. Bizim üçün bütün oyunlar
vacibdir.
- “Xəzər Lənkəran” kuboku qazana bilməsə, nə olacaq? Faciə
sayılar?
- Hesab edirəm ki, belə şeyləri düşünmək lazım deyil. Biz
hazırda ancaq qələbə haqqında düşünürük. Təbii ki, burada bəxt amili də
vacibdir. Biz həmin oyunda qələbə qazanmaq üçün əlimizdən gələni edəcəyik və
ümid edirəm ki, bəxt də bizim tərəfimizdə olar. Bəxt amilini vurğulamağımın da
səbəbi odur ki, oyunlarda hər şey ola bilir. Fərqi yoxdu, siz “Neftçi” ilə
oynayırsınız, yoxsa “Kəpəz”lə, “Turan”la. Birdən oyunda elə gözlənilməz hadisələr
olur ki, o, oyununuza təsir edir.
Elsevər MƏMMƏDOV
