Sportal.az "Xəzər Lənkəran"ın müdafiəçisi Elnur Allahverdiyevin müsahibəsini təqdim edir:
- “Sumqayıt”la oyun barədə nə deyə bilərsən?
- Bizimlə müqayisədə rəqib komanda daha yaxşı oynadı.
“Sumqayit”ın heyəti gənclərdən ibarətdir. Əsasən də yerli oyunçulardır. Onlar
daha hərəkətli və 90 dəqiqə boyunca layiqli mübarizə apardılar. Hətta deyərdim
ki, oyunu uda da bilərdilər. Ümumilikdə heç-heçəni ədalətli hesab edirəm.
- “Xəzər Lənkəran” hər iki topu penaltidən vurdu. Səncə, həmin
epizodlarda hakim doğru qərar vermişdi?
- Elə oyunlar olub ki, hakimlər bizim penaltimizi “yeyiblər”.
Elə səfərdə “Qəbələ” ilə oyunda. Orada Fariz Yusifov “Xəzər Lənkəran”ın haqqını
“yedi”. Epizoddan da görünürdü ki, “Qəbələ”nin müdafiəçisi topu hücumçunun
qarşısından əll oğurlayır. Buna baxmayaraq, Fariz Yusifov penalti təyin etmir.
Mənə maraqlısı budur ki, Fariz bizim təmiz penaltimizi niyə vermir? Biz Ermənistanın
deyil, Azərbaycanın komandasıyıq. Futbol başbilənləri çıxıb Farizə demir ki, sən
niyə penaltini vermirsən? Deməli o ayrıseçkilik edir. Ya rüşvət alır, ya da
kimdənsə qorxur. Ən azından Fariz həm “Xəzər Lənkəran” azarkeşlərinin, həm də
komandanın haqqını "yeyir". Bu gedişlə Azərbaycanda futbol olmayacaq.
Bu sturktur dəyişməsə, futbolumuz irəli getməyəcək. Heç kim heç kəsi
aldatmasın. Onda belə çıxır ki, hakimlər oyunlara tapşırıqla gedir. Biir sıra
insanlar var ki, “Xəzər Lənkəran”ın ilk “altılığ”a düşməsini istəmirlər.
- Kimləri nəzərdə tutursan?
- Onlar özləri çox yaxşı bilir. “Xəzər Lənkəran” uğur
qazanmamsını istəməyərək, komandanı içəridən parçalamağa başladılar. Deyərdim
ki, istəklərinə çatdılar. Bayaq dediyim kimi, ən azından hakimlər tərəfindən də
komandamıza qarşı haqsızlıqlar oldu. Yenə də deyirəm, ay Fariz, olan penaltini
niyə vermirsən? Bundan başqa, “İnter”lə oyunda da son dəqiqələrdə Sialması
yıxırlar hakim buna göz yumur. Bununla mən bütün günahları hakimlərin üstünə
atmaq istəmirəm. Hardasa komandamız da mövsümü zəif keçirdi. Ancaq görünən tərəf
odur ki, hakimlərin də bizə qarşı səhvləri çox idi. Nə isə bu barədə artıq
danışmaq belə istəmirəm.
- “Xəzər Lənkəran”ın ilk “altılıq”dan kənarda qalmasını təsəvvür
edirdin?
- Heç vaxt. Yatsaydım, yuxuma girməzdi ki, biz ikinci
“altılıq”da mübarizə aparacağıq. Həyatım boyu buna inanmazdım. Belə alındığı
üçün inanın ki, utanıram. Heç bilmirəm ki, bu vəziyyətdə özümü necə
toparlayacağam. Heç burda deyil, başqa komandada da oynaasaydım, inanamazdım
ki, “Xəzər Lənkəran” ilk “altılıq”dan kənarda qalacaq.
- Səncə, “Xəzər Lənkəran”ın ilk “altılıq”da kənarda qalması
çempionluq mübarizəsinə marağı azaldacaq?
- Özünüz də görəcəksiniz də. Təsəvvür edin ki, “Xəzər Lənkəran”
ilk “altılıq”da olanda “Neftçi” ilə oyuna maraq nə qədər böyük idi. Hər iki
komanda oyuna ciddi hazırlaşırdı. Bundan əlavə də mətbuatda derbi oyununa aid
maraqlı məlumatlar gedirdi. Bu da istər-istəməz ajiotaj yaradırdı. Digər tərfədən
də bütün komandalar bura gələndə “Xəzər Lənkəran”a daha da ciddi baxırdı. Hər
halda razılaşarsız ki, bu gün azarkeş baxımından “Xəzər Lənkəran” camiəsi digər
komandaları üstələyir. Mətbuat indi nədən yazacaq? “Qəbələ” və “Simurq”u çıxmaq
şərti ilə qalan komandalar paytaxt klublarıdır.
- Ikinci “altılıq”da oynamaq mübarizə aparmaq sizin üçün
ağır olmayacq ki?
- Nə qədər özünü oyuna kökləsən də, yenə də həvəssiz mübarizə
olacaq. Belə baxanda aşağı “altılıq”da da autsayderlə o qədər fərq var ki,
mübarizənin dəyəri də yoxdur. Mən komandanın ikinci “altılıq”da yer almasını
çempionatdan düşməsi kimi qiymətləndirirəm. Burda mübarizə aparmaqla autsayer
olmaq arasında fərq yoxdur. Mən öz adımdan lənkəranlı azarkeşlərdən üzürxahlıq
edirəm.
- Bu uğursuzluğu unutmaq üçün çıxış yolunu nədə görürsən?
- Yeganə məqsədimiz kuboka yönəlməlidir. Onsuz də başqa
yolumuz yoxdur. Uğursuzluğu azarkeşlərə unutdurmaq üçün ölkə kubokunu Lənkərana
gətirməliyik. Bəlkə də ilk “altılıq”dan kənarda qalmağımız bizə bir dərs olaraq
kubokda finala çıxıb bu titulu qazanmağımıza yol aça bilər. İnanıram ki,
komandamız, uşaqlar toparlansa, kubokda öz sözümüzü deyə bilərik. Kişi kimi
yığışıb oynamaq lazımdır. Artıq başqa şeylərə fikir verməməliyilk. Bir amalımız
kuboku qazanmaq olmalıdır. Avrokuboklara ən rahat yolumuz kubokdan keçir. Bizim
üçün ən rahatı bu titulu qazanmaqdır.
- Kubokun cavab oyununda şansları necə dəyərləndirirsən?
- İlk oyunda qələbə qazanmışıq. Amma rahatlaşmaq lazım
deyil. Çünki “Rəvan” ilk oyunda da göstərdi ki, güclü komandadır. Onlar hər bir
an rəqibə “dişini” göstərə bilər.
- Bilirsiz ki, “Rəvan”ı keçsəniz, yarımfinalda “Bakı” –
“İnter” cütünün qalib ilə qarşılaşacaqsınız. Hansı rəqib sizin üçün daha
yaxşıdır?
- Fərq etmir. Hər iki komanda güclü rəqiblərdir. Əgər məqsədimiz
kuboku Lənkərana gətirməkdirsə, bu cütün qalibini də yarımfinalda keçmək məcburiyyətindəyik.
Artıq geriyə yolumuz yoxdur. Ən azından kubokda da mübarizəni dayndırsaq,
mövsümü titulsuz başa vuracağıq. Ona görə, kuboku qazanaraq ən azından bu
mövsümdəki uğursuluğu unutdura bilərik
Sport Favorit
