Bu gün “Futbol+” qəzetində “Toşak Babək Quliyevin
idarəçiliyini bəyənmədi” başlıqlı yazı dərc olunub.
Yazıda qeyd edilib ki, “Xəzər Lənkəran”ın idman direktoru
Babək Quliyev məşq zamanı ikitərfli oyunu idarə edib. Onun idarəçiliyini bəyənməyən
baş məşqçi Con Toşak Babək bəyin ofsayd qərarından narazı qalaraq “bu,
referinin son oyunu olacaq. Daha ona fiti etibar etməyin” - deyib.
Məsələyə aydınlıq gətirmək üçün məşqdə yaşanmış bu məqamla
bağlı Quliyevin fikirlərini öyrəndik. Sportal.az saytına açıqlama verən
Babək bəy sualımızı gülüşlə qarşıladı və bunları dedi:
“Məşq xarakterli ikitərəfli oyun keçirtdik və idarəçiliyi öz
üzərimə götürdüm. Epizodların birində Tounkara ofsayd vəziyyətinə düşdü və mən
oyundankənar vəziyyət qeydə aldım. Toşak isə məşq olduğu üçün belə
epizodları saxlamamağımı istədi.
Qeyri-adi heç nə baş verməyib. Sadəcə bəzi mətbuat orqanlar
sensasiya axtarırlar, buna isə ehtiyac yoxdur. Ona qalsa, bügünkü məşqdə Toşak
özü mənə yaxınlaşaraq hakimlik etməyimi istədi. Əgər demişdisə ona fiti verməyin,
bu gün niyə belə etdi? Qoy, bunu da yazsınlar”