"Xəzər Lənkəran"ın xorvatiyalı futbolçusu Marin Orsuliç "Turan"ı məğlub etdikləri oyunla bağlı fikirlərini bölüşüb.
Sportinfo.Az-a açıqlamasında Orsuliç görüşdə ilk dəqiqələrdən
üstün oynadıqlarını və hədəflərinin 3 xal olduğunu bildirdi: "Bizim qələbə
qazanmağımız çox vacib idi. Biz 3 xal almaq üçün meydana çıxmışdıq. İlk hissəni
3:1 hesabı ilə öz xeyirimizə başa vurduq. Yaxşı oynamağımızdan çox qələbə
qazanmağı düşünürdük. Çünki ilk "altılığ"a düşməyi özümüzə borc
bilirik. Komanda oyunu oynayırıq. Buraxdığımız qolda müdafiənin elə də səhvi
yoxdur. 2 qol buraxdıq, əvəzində 4-ünü vurduq. Qələbədə hər kəsin payı
var".
Həftəsonu qarşılaşacaqları "Qəbələ" oyununa da
toxunan yarımmüdafiəçi rəqiblərinin çox güclü komanda olduğunu dedi: "Qəbələ"
yaxşı komandadır. "İnter"lə oyunda çox yaxşı təsir bağışlamışdılar.
Amma Qəbələyə 3 xal dalınca gedəcəyik".
